الصبح بيّن ما نبي شمع وسراج

الحــنك الجمعة أبريل 10, 2009 4:39 pm

الصبح بيّن مـا نبـي شمـع وسـراج

شمس الضحى اقبل ضياها فـي حلّـه
ماجيـت يمـك بعـد فرقـاك محتـاج

خلـي فـؤادك يستكـن فـي محـلّـه

ولا جيت ادور من ورى كفـك اعـلاج
لوهي تِشآفي من المـرض الـف علّـه
مركـب غرامـك صادفـه مـوج ٍوراج
اضحـى غريـقٍ بعـد ماالمـوج تلّـه
نهـج الكرامـه للفتـي خيـر منهـاج
يصون عمـره عـن هـواً فيـه ذلّـه
ماضيـك الاول ضمتـه سـود الادراج
من بعـد مـا كانـت عيونـي تشلّـه
بـدّل زمانـي تهمـة السجـن بفـراج
وانصـف فـؤادٍ ذاق طعنـات خِـلّـه
لاتعتـذر منـي ولا تبسـط احـجـاج
خـلاص قلبـي مـل طاريـك كـلّـه
ارجوك ترحل لا تسبـب لـي احـراج
سالـف قـراري لا تظـنـك تحـلّـه
بعض الحكي من بعض الاشخاص ينماج
وبعض الحكـي لوطـال محـدٍ يملـه
يامـن لبيتـه يحـرم النـاس حجـاج
يامـن يظـل المتقـي تحـت ظـلّـه
تجعل لقلبي من هوى البيـض مخْـراج
وتشْفـي عليـلٍ زايـد الهـم سـلّـه

هذا الي قلتلك يااكوررررد على قصيدتك الاوله

**ضناني الشوق** السبت أبريل 11, 2009 12:54 pm

وربي ابيااات اجمل من رائعه يالحنك

مبدع في مجال الشعر انت

بس يالغالي مافهمت قصدك بصراحة

كل الشكر لك

الحــنك السبت أبريل 11, 2009 1:40 pm

خخخخخخخخخخخخخخخخخخ

والله انت اكثر يااكوووورد

انا اقولك نفس موضوع قصيدتك الاوله وقلتلك في الرد ازيدك عزم ان شاء الله

لك مني اطيب الشكر والتقدير

برينس الابداع السبت أبريل 11, 2009 2:58 pm

مشكوووووووووووووووووووووووووووووووووووووووووووووووووووووووووووووووووووووووووووووووور يااحنك

الله يعطيك العافية انت واكوووووووورد من ابداااعكم مادري وش اقووووووووووووووولكم مشكوووووووور والله

الحــنك السبت أبريل 11, 2009 5:00 pm

لا تقول شي الله يعافيك يارب

طلتك تكفي

الصبح بيّن ما نبي شمع وسراج

الصبح بيّن ما نبي شمع وسراج

رد: الصبح بيّن ما نبي شمع وسراج

رد: الصبح بيّن ما نبي شمع وسراج

رد: الصبح بيّن ما نبي شمع وسراج

رد: الصبح بيّن ما نبي شمع وسراج