قصيدة اعجبتني

برينس الابداع السبت أبريل 11, 2009 4:45 am

يا.. نفس هيدي لاتزيدين الأوجاع..
كافي من الدنيا نشوف العجايب..

ماني على من صد ضايق ومرتاع..
لاهو من الغالين والا من القرايب..

لاصار مابيني ولا بينه نزاع..
ولاجيته بزله ولاعلم خايب..

حق الرفيق اني نهيته ولا طاع..
والراي مابه فرض والا غصايب..

يومه غدا بينت له كل الأوضاع..
ماقلت اخلي سايب الوضع سايب..

ناديت له لكن تجاهلني وضاع..
صد وعلى عمياه ساق الركايب..

اقفا على رايه ولافيه مرجاع..
مثل السحاب اللي قفت الهبايب..

للعلم بين الناس مدخل ومطلاع..
واللي يجود حامض العلم صايب..

ومن ينطح المويه ولاعنده شراع..
ان عاش يرجع من هك الموج هايب..

والعاقل اللي لا خطا يرجع بساع..
يسترجع ولاياخذ الراي عايب..

واللي يصير لرغبة النفس مطواع..
لابد مايلقى العنا والمصايب..

والناس مختلفه لها اشكال واطباع..
بعض المعارف عرفهم لك نشايب..

بالناس من يلبس على وجه قناع..
حسود لكن في ثياب الحبايب..

هذاك ماني في مخاواه طماع..
من قبل اجيه وخاطري منه طايب..

والرجال اللي لهم بالوفا باع..
وقفاتهم تبري الجروح العطايب...

واللي لفاك بحزة الضيق فزاع..
مادار وجهه عن سموم ولهايب..

ماصد يوم انك من الوقت ملتاع..
ماغاب يوم ان اكثر الناس غايب..

هذاك تشتري خوته كيف تنباع..
هذاك من شانه تهون الصعايب..

قلته وانا مالي ورى هرجي اطماع..
على افراقه لاتصير السبايب..

اسمع مادام الصوت ياصل للاسماع..
ان تبت والا ياعسى منت تايب..

مادامها صارت حزازات واتباع..
مالي ومال مدورين الطلايب..

واعرف تراها لو شكت ثقلك القاع..
مصيرها تركز عليك النصايب..

قصيــــــــــــدة....أعجبتنـــــــي~